Yela 99:8 - mzwDBL

⁸ N Naa Korowii yaa dɛ tomɛ, he no he nɛra wesoŋa. A lole kɛ he tɛr ba deŋne te, kɛ he ɡelɔ ba jemɛ kɛ he kpɔ wechɔɡa dɛɛ kɛ.

Yela 99:8 Referans Kwoze

Nɛra Kura 20:12

Belaa Korowii ŋɔ Mosis ne Arɔn be ŋɔ, “Haa wola men yaradae, dɛ kpɔ jirima tɛ mɛ kɛ n do ɡoroŋ Israel tena siwi ta nɔ, haa ba sie tɔ dɛ́ kpɔ ba ka jo harɛ maa baɡ ba nyoa la ta.”

Yela 89:33

Kɛ maa Devid nyinaa ɡel bwa, kɛɛ dɛ́ vɛh n ne o baah fɔo la.

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Wejereme 7:29

Waa aa teŋa nɔɔ n hweli le a ta, Korowii fe ta nɛwɛnyina bwa ba waa toɡre, kɛ ba berɔ kpɔ ŋwɛnɛfale ta dɛ chɔɡ ba te.”

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Sefania 3:7

N ɛ n liire kɛŋɔ n nɛra fe ɛɛ che anɔ taa dɛ́ tɛ mɛ duure, dɛ́ sɛh teŋɛ toɡra maa dɛ toɡ ba la ta, dɛ bɛ deŋnetɛra maa kpɔa toɡ ba la soh. Kɛ buɡ nɔ ta ba we-ɛɛla berɔ kaa ba webena la ta.”

Mmarare 3:26

He nomanta, Korowii bandia ta lɔ n nɛ o ta n wesoŋa la noɛ, dɛ ŋɔ, ‘He fele! Dɛɛ berɛ ɡɛ waa nɔ n be bola kpa.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Kaala 32:2

Asɛ Arɔn chaŋ ba ŋɔ, “He laa suuɡaswɛm deŋna kwaa he haahna ne bibaala dɛ bihaahna aa doa la bwa kpɔ ba tɛ mɛ.”

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

2 Samoɛl 12:14

Kɛ haa wola duure kpɔe tɛ Korowii nomanta, he bibaa ɛɛ sewɔɔ.”

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.