Yela 98:2 - mzwDBL

² Korowii bol pɔe waa pɔ o dɔma nɛɛ wa, dɛ ɡel harɛre nɛra bwa jemɛ lɛɛ waa lɛ o nɛra wa.

Yela 98:2 Referans Kwoze

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Yela 22:31

Bii baa wola ban lolɛ mɔɔ kwaraa ɛɛ ba noo kɛŋɔ, “Korowii lɛ o nɛra.”

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

Tɔn Pɔɔl Aa Chwerɛ Rom Tena 9:30

Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba.

Amanesoma Luk Aa Chwera Tɔn 3:6

Nɛwɛnyina bwa ɛɛ nao ɡɛ lɛɛ Korowii aa dɛ ba yaa lɛɛ la aa doa.”

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Yela 24:5

Gɛ te laanee Korowii ɛɛ ba andɛɛɡa sweera tɛ dɛ́ lɛo, dɛ́ pao bole.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”