Yela 98:1 - mzwDBL

¹ Hé ɡo yelfale tɛ Korowii, dɛkalkɛ o ɛ waa aa dɛ kpo nyoa! O cheɡɛ kpeɡri ne ɡoroŋ waa doa ta, dɛ pɔ o dɔma nɛ.

Yela 98:1 Referans Kwoze

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Wepila 14:3

Nɛra la cheɡɛ Korowii kookara ne hweera kwaa anaarɛ la ne nomonome la be dɛɛ ɡo yelfale bɛl, nomɛlbwa aa wola won hweli yel la, nemenɛ nɛra kaɡboŋa lafa fifraanaarɛ dɛ banaarɛ Korowii aa lɛɛ ba harɛ nɔ ta nɛra bwa bini la ɡbo.

Yela 96:1

Hé ɡo yelfale kpɛɛ Korowii! Harɛ nɔ ta nɛra bwa, hé ɡo yela kpɛɛro!

Yela 33:3

Hé ɡo yelfale tɛo, hé lɔ janjela kɛrɛdɛ, dɛ́ moo silɛɛ ne.

Yela 96:3

Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Kolosi 2:15

Yeesu seo waa sewa la, o chɔɡ kwaa aa dɔ kpeɡri bwa kpeɡri, dɛ lɛ a kpeɡri dɔɔh. O ɛ ɡɛ dɛ ɡel sihiih kpoa nɛra bwa siwi ta, bá jemɛ kɛŋɔ o ɡelɔ koŋkpeɡa la bwa kpeɡri ɛ pɛɛpɛɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

We-ɛɛla 2:11

Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!”

Amanesoma Luk Aa Chwera Tɔn 1:49

dɛkalkɛ Nemenɛ Korowii ɛ wejena tɛ mɛ. O chɛ duura.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Aesaya 63:5

A ɛɛ mɛ nyokpoa kɛŋɔ, maa nyiŋa n ta nomɛlbwa nae ó ba cha mɛ. N bandia ɡelɔ n dɔ bokpeɡa dɛ won yo dɛ pɔ n dɔma nɛ.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Yela 149:1

Hé kpɛɛ Korowii! Hé ɡo yelfale tɛ Korowii! Hé kpɛɛro bela o nɛra ba wa aa toɡra aa wara dɛ cheme!

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Aesaya 59:16

O nyoa kpoo kɛŋɔ, nomɛlbwa aa wola toole dɛ́ cha nɛra baa dɛ fiɡ ba, anomanta, wɛɛ che o ɡbaɡba kpeɡrii taa dɛ́ lɛɛ ba.

Yela 139:14

N dɛ kpɛɛre, he we-ɛɛla haa cheɡɛ a ta dɛ ta mɛ la bwa ɔma, dɛ dɔ nyokpoa kohona. N jemɛ a bwa kɛrɛdɛ ken.

Yela 136:4

O ɡboo dɛɛ ɛ wejena aa ɛ nyokpoa. O nyina lole saŋ bɛlbwa dɛɛ la.

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Yela 77:14

Henee Korowii haa dɛ ɛ nyokpowa, he baɡle he kpeɡri harɛre nɛra bwa bini.

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

We-ɛɛla 19:20

Gɛ ŋwɛnɛkpeɡ nɔ taa a che Korowii waa la perɛ, dɛ won do kpeɡri kohona.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 72:18

Hé kpɛɛ Korowii Israel tena aa dɛ tomɔ! O ɡboo dɛɛ ɛ nyokpowe-ɛɛla.

Yela 89:14

Waa aa toɡra ne waa bola dɛ́ pa bole aŋwɛnɛ ta, nee hɛɛ di kora. Nɛnnyin ne kasinteŋ ɡboo he kpɔ dɛɛ ɛ he wa.

Aesaya 12:5

Hé ɡo yela kpɛɛ Korowii, o ɛ wejena ɡa, Hé bol a waa harɛ nɔ ta nɛra bwa no.