Yela 96:6 - mzwDBL

⁶ O kan dɛ dɔ jirima kohona, kpeɡri ne jirima su o Dea.

Yela 96:6 Referans Kwoze

Yela 104:1

N dɛ kpɛɛ Korowii n bambile bwa ne, Korowii maa dɛ tomɛ, he kan kohona! He kpɔ he kan ne he jirima tɔ kɛŋɔ yal ken,

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

1 Webena 16:27

O kan dɛ dɔ jirima kohona, kpeɡri ne jirima su o Dea.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Yela 29:9

Korowii taa yiiɡi dakpeɡa, dɛ chure kɔr bini daa papooni ta. Asɛ nɛra baa lɔ o Dea ɛɛ dooɡe lɔŋɔre ŋɔ, “Hé kpɔ jirima tɛ Korowii!”

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 19:1

Nyundua dɛ baɡle kɛrɛdɛ ɡɛ Korowii aa dɔ jirima, kwaa aa lɔ nyundua ɡe bwa ɛɛ chaɡle ɡɛ tenten, toma Korowii aa ɛa.

Yela 8:1

N Naa Korowii yaa dɛ tomɛ, he sɔn kan harɛ nɔ ta bobɛlbwa! Nɛra dɛ kpɛɛre kohona, aa tel nyundua bwa.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.