Yela 90:2 - mzwDBL

² Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Yela 90:2 Referans Kwoze

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Mumpar 1:1

Komɛlbwa mumpar la, Korowii ta nyundua ne harɛ.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Yela 93:2

Saŋ la bwaa he kora le. Mɔɔ wobɛlbwa pa mun la, dɛ he lole.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Job Tɔn 15:7

Henee nɛn baa tɔ sie lolɛ aa? He lole mɔɔ Korowii ta deŋɡarere aa?

Yela 146:6

Korowiirii ta nyundua ne harɛ, mpo ne kwaa aa lɔ a ta bwa. O dɛ teŋɛ o nyobaɡa ta saŋ bɛlbwa.

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Kaala 8:6

Asɛ Arɔn tɛr pa neerare la ta, asɛ sapone la ba tɔ harɛ la bwa ta.

Job Tɔn 36:26

Na ɡɛ Korowii aa kana! O kan waa doa ɡwaa nɛn liire ta, nomɛlbwa aa saŋ waa lea do le, ba le fini jemɛ.

Yela 102:13

Hɛɛ sune bwɛjen Saayɔn tena nɛɛ, saŋ haa lea cheɡ la telo kɛ he dɔ tedoma tɛɛ ba.

Daneɛl 7:9

Men Daneɛl berɔ na kɛŋɔ kookane aa baa che, asɛ Nɛn Waa Lole Saŋ La Bwa ba so kane la bɛl ta. O tɔ yal o to kɛŋɔ yabi, asɛ o nyumpona to kpelkpel kɛŋɔ pee pona. Ninlao ɡboo o kookara la, asɛ kara la nakpale do kɛŋɔ saaker nakpale dɛɛ hɔ.