Yela 86:10 - mzwDBL

¹⁰ He kpeɡri dɛɛ ɛ nyokpowa, he ɡboo ɛ Korowii.

Yela 86:10 Referans Kwoze

Amanesoma Mak Aa Chwera Tɔn 12:29

Asɛ Yeesu ŋɔ, “A bwa bini onjen laanee nɔ, ‘Israel tena, hé no. N Naa Korowii nɔ habɔɔ Dɔɔ bɛlbwa toole kpa.

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Yela 72:18

Hé kpɛɛ Korowii Israel tena aa dɛ tomɔ! O ɡboo dɛɛ ɛ nyokpowe-ɛɛla.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Ɛfesos 4:6

Ya bwa Mɛɛɛ Korowii, o lɔ beŋkpoŋ. Onee dɔ ya bwa dɛɛ ɛ toma ya bwa bini, dɛ do ya bwa nɛ.

We-ɛɛla 4:30

Tɛɛ ba kpeɡri bá won dɛɛ chah weela, dɛ́ ɡel ba che he ɡbaɡba bonɔndɛɛɡe Yeesu nɛɛ dɛ́ ɛ wekpeɡa ne nyokpowa.”

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Job Tɔn 11:7

Hɛɛ won jemɛ Korowii waa nyoa aa? Korowii Waa Ɛ Kpeɡri Bwa Dɔɔ la kpeɡri waa dɔa la, hɛɛ won no a mun aa?

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.