Yela 85:9 - mzwDBL

⁹ Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Yela 85:9 Referans Kwoze

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Ɛsekeɛl 26:20

Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

We-ɛɛla 13:16

Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Yela 119:155

Haa nɛnchɔɡa lɛɛ ba, dɛkalkɛŋɔ baa he Mmarare la kpɔe dɛɛ ɛ waane.

1 Samoɛl 3:9

Ate, Eli ŋɔ Samoɛl be ŋɔ, “Berɛ kaa ka chɔ, he baa no kɛ ba dɛ yerɛ jaa, he ŋɔ, ‘N Naa Korowii, bol waa he bonɔɔ be, n dɛ no.’ ” Asɛ Samoɛl berɛ kaa o chɔɔbɔr bela ka chɔ.

Jeremia 23:35

A chɛ kɛ bá ɡarɛ bɔɔ ba daamanar ne lolanar ŋɔ, ‘Bɔkwa waa Korowii chaŋe ɔ? Bɔkwa waa o bol ɔ?’

Jeremia 23:37

Jeremia, bɔɔ n keamere la ŋɔ, ‘Ɛrɛɛ Korowii chaŋe heya ɔ? Bɔkwa waa o bol ɔ?’

Jeremia 29:11

Dɛkalkɛ n jemɛ anɔ la maa vɔrɔwa dɛɛ cheɡ heya. Vɔrɔwa aa ɡel he wobɛlbwa do wer, haa wola chɔɡ, ásɛ he dɔ kerekere hwɛɡa.

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Habakuk 2:1

Mɛɛ iruu che n jɛŋla doa, dɛ́ nyiŋi dɛ́ no waa Korowii aa dɛ ba n be bola. Dɛ o chaŋ mɛ naa, ń na ɡɛ maa dɛ ba o be bola.