Yela 82:2 - mzwDBL

² “Saŋ besoo he ɡel nɛra sie nyiŋa dɛ́ɛ pa bole ɔ? Hé ɡel nyubinikpeɡ tena nɛɛ suna bole pae ta.

Yela 82:2 Referans Kwoze

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Yela 62:3

Saŋ besoo hé bwa ɛɛ ba nɛn waa wola kpeɡe kɛ danjwɛɛ waa kɔɔhna dɛ́ chole nɔ yoi ɡela ɔ?

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

1 Koranar 18:21

Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Job Tɔn 32:21

Maa bɛlbwa siebɔree nyiŋi ɡwaa bɛl, maa waa bol dɛɛ fɛrɛ,

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.