Yela 82:1 - mzwDBL

¹ Korowii soɡe o kookara ta nyundua, koŋkwaare aa dɛ tomɔ bwa cheme o sie, asɛ o bol a waa dɛɛ pa bole dɛ ŋɔ,

Yela 82:1 Referans Kwoze

Amanesoma Jɔn Aa Chwera Tɔn 10:35

Dɛ o yerɛ nɛra waa kpɔ o waa la baɡle la Korowii aa, dɛ a ɛ kasinteŋ waa yaa wola won vɛh,

Aesaya 3:13

Korowii soɡo dɛ́ bol nɛra wa. O kpɔ o te dɛɛ ba o nɛra waa bola dɛ́ pa bole.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Yela 138:1

N Naa Korowii, mɛɛ kpɛɛre n bambile bwa nee, mɛɛ ɡo yelaa kpɛɛre voɡa sie.

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

Kaala 21:6

nomoa la chɛ kɛŋɔ ó la o ne nɛra baa bol waa dɛɛ pa bole sie, dɛ́ lawɛ o deŋne marɛ doonyoa daa keŋkeŋ, dɛ́ forɔ ó ɛ o nɛndɔɔle dɛɛ la, hale o serewe bena.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.

Yela 58:2

Akai, wechɔɡa haa lii dɛ́ ɛa ɡboo lɔ he bambili bini, waa aa ba naɡra ne ɡboo hɛɛ ɛ harɛ la ta.