Yela 74:8 - mzwDBL

⁸ Ba bol dɔŋa be ŋɔ, “Yaa chɔɡ baa kwaraa!” Ba fuh dea bɛlbwa baa dɛ tomɛ hen Korowii o ta harɛ la ta.

Yela 74:8 Referans Kwoze

Yela 83:4

Ba ŋɔ, “Hé ba ya chɔɡ nɛra baa lɔ harɛ la ta, ásɛ Israel harɛ sɔn den nyoɡre kwaraa.”

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

2 Koranar 4:23

Anee o jaa la chaŋe ŋɔ, “Bɔkwa waa hɛɛ nyin he la o be fini nɔ? Korobifale Tɔpejen kɛɛ Ona Tɔpere laa fini.” O ŋɔ, “Bɛ ɡel a hae.”

2 Koranar 2:5

Korowii keamere baa pɛa dɛɛ valɛ dɛ do Jeriko baa bɔɔ Elaesa ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Elaesa ŋɔ, “N jemɔ, hé hel, he bɛ a waa bol.”

2 Koranar 2:3

Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

2 Webena 17:9

Ba iro kpɔ Korowii Mmara Tɔn la, dɛ ɡaaɡe Juda harɛ bwɛɛre bwa ta, dɛɛ baɡle o bini waa nɛra be.

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,