Yela 74:1 - mzwDBL

¹ N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Yela 74:1 Referans Kwoze

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 79:13

Ásɛ he nɛra yaa do kɛŋɔ peera he sie nɔ, ɛɛ kpɛɛre saŋ bɛlbwa dɛɛ la, dɛ́ le fini kaa ya naanar baa ka ba bwa nɛ.

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Yela 44:9

Kɛ taraken, he vɛh yaa dɛ ɡel ba pɔ ya nɛ, haa ya laa tena nɛɛ ja, dɛɛ la laa kpa.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Ɛsekeɛl 34:31

Hé ɛ n peera, mɛɛ dɛɛ heya. Hé ɛ n nɛra, n ɛ Korowii haa dɛ tom mɛ. Men Nemenɛ Korowiirii bola.”

Jeremia 31:37

Dɛ tɔpebɛl ba fe ɛɛ won maɡɛ ɡɛ nyundua aa doa, dɛ́ jemɛ kwaa harɛ nɔ aa chɔŋɛ a ta naa, anee n fe vɛh n nɛra Israel tena waa bwa baa ɛa la wa. Men Korowiirii bola.

Jeremia 23:1

Korowii ŋɔ, “Sitɔɔla baa do kɛŋɔ peteɡra, dɛɛ chɔɡ n nɛra, dɛ lɔ ba dɛɛ peɡre la, bá bwɛɛlɛ.”

Yela 79:5

N Naa Korowii, saŋ besoo he baah di ya nɛɛ ka tel ɔ? He bandia ɛɛ teŋɔ ɡwaa ya nɛɛ ɡɛ dɛɛ la naa?

Yela 77:7

“Korowii ɛɛ den vɛh yaa kwaraa ɡɛ naa? Waa ya nɛɛ sune kpa aa?

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Yela 78:1

N nɛra, hé no waa maa dɛ baɡle heya, hé cheɡ deŋne dɛ́ no waa maa dɛ bol.

Yela 60:10

He deno berɛ habɔɔ kpo yaa kɛɛ? Haa ya laa tena sie tɔ ka yo ya dɔma kpa aa?

Yela 60:1

N Naa Korowii, he baah fa di ya nɛɛ dɛ vɛh yaa, he baah di ya nɛɛ te, kɛ berɛ lawɛ yaa ba he be taraken.

Yela 42:9

N ŋɔ Korowii waa do kɛ Bwetal n chwa kaa marɔ be ŋɔ, “Ɛrɛɛ he soh n waa nɔɔ? Ɛrɛɛ mɛɛ wi n dɔma, ba nyu bini aa kpeɡa nɔn ta nɔɔ?”

Yela 18:8

Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Kaala 32:11

Anee Mosis soŋe Korowii waa dɛ tomɔ la ŋɔ, “N Naa Korowii, kpeɡri ne bokpeɡa kohona nee he lawɛ he nɛra le Ijipt harɛ ta, bɛ ɡel he baah di ba nɛ.

2 Koranar 21:14

Mɛɛ vɛh n nɛra baa kaa laanee, dɛ́ kpɔ ba do ba dɔma nɔn ta. Ásɛ ba dɔma la yoo ba, dɛ́ pɔ ba nɛ, dɛ́ kpɔ ba harɛ kɛŋɔ baa dɛ pa laa ta kwaa ken.

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.

Yela 77:8

O nyina aa wola jaɡa dɔe la toole ya nɛɛ kpa aa? Nyoa waa baɡɛ yaa la toole kpa aa?

Yela 80:5

He ɡelɔ suna do kɛŋɔ kondikwaa yaa di, siniire ɡe do kɛ nee yaa nyɔ.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Wiile 5:22

Kɛɛ he deno vɛh yaa kwara kɛɛ? He bandia ta jaɡa dɔe ya nɛ aa?