Yela 73:8 - mzwDBL

⁸ Ba dɛ mamɛ ba bala, dɛɛ bol ba bwara wechɔɡa, ba dɔ mbarafo, dɛɛ vɔrɔwe ɡɛ baa fiiɡi ba bala.

Yela 73:8 Referans Kwoze

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

Yela 17:10

Baa nɛn sum na, mbarafo wobolee baa bol.

Yela 10:2

Nyubinikpeɡ tena mbarafo, ba cheɡɛ nyaara nɛ, ɡel ba liichɔɡa ɡure ba nyu ta.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 2:10

Nɛra ba sie aa beɡre ba bwadabii nɔ wechɔɡa aa suu nɔ pɛlchɔɡa ta, baa wola waa bu la, ba deŋnee Korowii ɛɛ ba tɛra kohona. A ɡɛ nɛra baa teŋe nyosone ŋɔ ba dɛ chaɡle waa nɔ, waa ba bambile aa lawaa baa ɛ. Ba bambile kpeɡri! Baa nyundua toroma bu. Wobochɔɡa kwaraa ba bol dɛɛ yaɡ ba!

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

1 Samoɛl 13:19

Dɛ loɡre bɛlbwa toole Israel harɛ ta, dɛkalkɛ Filisti tena la ta sɛɛh kɛŋɔ Hibru tena la loɡɛ buni kon bɛlbwa. Gɛ laa aa, baa loɡɛ lampeare ne kerii.

2 Koranar 18:29

O dɛ kah heyaa ŋɔ he bɛ ɡel Kooro Hɛsɛkea neɡre heya. Waa won lɛ heyaa le n nɔn ta.

Ɛsekeɛl 35:13

N no mbarafo waa haa bola yaɡ mɛ aa wola nyoa dɔe.’ ”