Biblia Todo Logo
Bib sou entènèt

- Piblisite -




Yela 7:9 - mzwDBL

9 N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Gade chapit la Kopi




Yela 7:9
36 Referans Kwoze  

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.


Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”


Koranar Bwa Kooro, henee dɛɛ nyiŋi nɛn o wa aa toɡra bini, dɛ jemɛ waa aa lɔ o bambile ne o liire bini. Anomanta, ɡel n na kembɔr haa kpɔ tɛ n dɔma, dɛkalkɛ he nɔn taa n kpɔ n waa do.


Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.


Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”


Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.


N Naa Korowii, he pese mɛ kɛrɛdɛ, dɛ jemɛ n wobɛlbwa.


he fe nao, dɛkalkɛ, he jemɛ ya nyu bini liire aa sɔah bwa.


Korowii sie lɛ nɛra we-ɛɛla ta naa, o dɛ baɡ ba ŋwɛnɛ baa kpɔ o ta, dɛ kpɔ nɔn dɛɛ tɔ ba nɛ.


N Naa Korowii, nyiŋi n bini, dɛ́ daah mɛ na dɛ́ pese n we-ɛɛla ne n liire.


O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.


Sɔɔh kpeɡri nyubinikpeɡ tena ne wechɔɡ-ɛɛra aa dɔa la nyoa, ba wechɔɡa baa ɛa la wa, tɛr ba deŋne ka tel kɛŋɔ, baa ɡela kwaraa.


Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,


He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.


Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.


N Naa Korowii, fome n dɔma nyena aa do kɛŋɔ nyujentena nyenkpaahna.


dɛɛ lɛ bilalbii ne nɛra baa dɛ fiɡ ba, dɛ́ bol ba waa tɛɛ ba ɡɛ aa ɛ nɛwɛnyini waa won sewa nɔ bɛ on aah kpa.


A habɔɔ la, wɛɛ baŋre tɛnte dedɛɛɡa aa kana á ɛ o koodem, Mɛdetereenea Mpo ne bwejen bela Korowii Dea aa cheɡa la baah ta. Kɛ wɛɛ ba sewɔɔ, dɛ nomɛlbwa toole bela dɛ́ chao.”


O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.


He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.


Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.


Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.


Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.


Abraham ɡbaɡbaa ŋɔa ŋɔ o nimambiee, asɛ haah la ɡe ŋɔ ɡɛ tenten. Liichɔɡa bɛlbwa laa n lii.”


noa nyundua bela, dɛ́ pa bole, dɛ́ tɛr onɔ la waa di bolchɔɡe la deŋne dɛ́ ɡel boldɛɛɡe te la.


Hen Korowiirii nɛra baa dɛ ɛɛ ba hɔhɔrɔwa la chwa baa marɛ. He do kɛ dekpeɡ waa balaa, nɛra chwa baa jo he be.


N teŋɛ Korowii waa ta, n ta wechɔɡa ɛɛ dɛ vɛoh.


Korowii maa dɛ tomɛ, ir nyu ne, dɛ́ yo tɛ mɛ.


N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.


Hé ɡel harɛre nɛra bwa no kɛŋɔ, “Korowii dɛ di kora! O ta harɛ o che kiŋkiŋ waa wola yiiɡi, dɛ bol nɛra bwa waa dɛɛ pa ba bole ɡɛ aa chɛa.”


saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.


dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.


Swiv nou:

Piblisite


Piblisite