Yela 7:16 - mzwDBL

¹⁶ Naɡrenyin waa baa liira la ɡure ba nɛ, waa baa ba a ne la, ba ɡbaɡbaa dɛ́ na a wa.

Yela 7:16 Referans Kwoze

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Yela 36:12

Na ɡɛ wechɔɡ-ɛɛra aa chola, ba taɡ ba ta, baa wola won ir kpa.

1 Samoɛl 28:19

Korowii ɛɛ kpɔ he ne Israel tena bwaa do Filisti tena nɔn ta, ásɛ kere he ne he bibaala bwa sewɛ ba n be. Korowii ɛɛ berɔɔ kpɔ Israel laa tena bwa ɡe do Filisti tena nɔn ta.”

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”

Yela 36:4

Ba chɔ ba chɔɔbɔra kwaraa naa, baa wobɛlbwa aa wera ɛ, baa wechɔɡa bɛlbwa ɡe vɛh.

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Job Tɔn 4:8

N ɡbabir nao kɛŋɔ nɛra baa dɛ vɔrɔwe wechɔɡa vɔrɔwa, ne banɔ la baa dɛ nyin waa la, anee baa dɔ.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Yela 35:8

Gel ba ne jara, dɛ wenaale ba ba nɛ, dɛ́ ɡel ba ɡbaɡba bel la laɡ ba, ba lee bɔluŋ la bini dɛ́ serewe.

Yela 57:7

N Naa Korowii, he nɛɛ mɛɛ hwɛɡɛ kohona, mɛɛ ɡo yelaa kpɛɛre.

Yela 141:10

Gel ba ɡbaɡba lee bela baa hara ta, ásɛ n te valɛ ba kaa sɔnɔnɔɔ ken.

Sɛɡla 1:19

Gɛɛ nɛn waa dɛ nyin kafo waa do, o dɛ sewɛ ɡɛ yoi we-ɛɛla la ta.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Wejereme 10:8

Nomɛlbwa waa kwi bɔɔ la, wɛɛ won le o bini, nomɛlbwa waa ku danjwɛɛ dɛ jo la, harɛkon ɛɛ won choɡo.