Yela 67:6 - mzwDBL

⁶ Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

Yela 67:6 Referans Kwoze

Lewi Dea Tena 26:4

mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Lewi Dea Tena 25:19

Harɛ la ɛɛ ɛ kondikwaa tɛ heyaa he di ɡɛ haa dɛ nyin, dɛ́ so bosɔɔhna ta.