1 N Naa Korowii, no n wii, no n wesoŋa!
He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.
N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.
N Naa Korowii, no n wesoŋa, no n suna wii, dɛ́ cha mɛ.
No n wii maa wia dɛɛ yerɛ. Cheɡ deŋne no n be, dɛ́ ba cha mɛ.
N Naa Korowii, che he sɔnjen la ta, dɛ́ lɛɛ mɛ, che he kpeɡri ta, dɛ́ pa mɛ bole!
N Naa Korowii, no nɛn n wa aa toɡra nɔ wesoŋa, no n wii maa dɛ wi nɔ. Ken deŋne dɛ́ no n wesoŋa, nyosone laa mɛɛ teŋe.
N Naa Korowii, cheɡ deŋne no n wesoŋa nɔ, kpɔ nɔn tɔ n nɛ, dɛ́ lɛɛ mɛ le ɔma maa dɛ ɔmɛ n dɔma ta.
No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.
N Naa Korowii, bɛ ɡel he baah di hé pwaah mɛ, bɛ ɡel he baah di kohona hé tɛr n deŋne.
