9 O no n suna wii, wɛɛ sɛh n bee.
N fa aa lɔ wenaale ta la, n wio no Korowii, asɛ o chaŋ mɛ.
N naa Korowii, maa naa kɛŋɔ n fe dɛ ba sewa la, n lii he wa, n siwi swɛɛ he soŋa ta, a tel he be, he Dea waa do ɡoroŋ la ta.
Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.
Maa lɔ weweele ta la, n wio no Korowii, asɛ o chaŋ mɛ dɛ lɛɛ mɛ.
O ŋɔ, “N Naa Korowii, maa lɔ wekpeɡa ta dɛ do lɔŋɔ tɛɛ la, he no n wesoŋa. Maa lɔ lalabwɛɛ dɛ do lɔŋɔ tɛɛ la, he no n wii.
N wio no Korowii takpeɡ ne, asɛ o no n be o deŋɡare waa do ɡoroŋ la ta.
N ɔmɔ dɛ lii kɛŋɔ, he doŋ mɛ le he sie. Kɛ maa wia noe ŋɔ he cha mɛ la, he sune n nɛ, dɛ cha mɛ.
Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.
ó berɛ, dɛ́ ka ŋɔ Kooro Hɛsɛkea be kɛŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ kpɔ bene fi dɛ anuee ja he mkpa ta.
He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.
