Yela 6:4 - mzwDBL

⁴ N Naa Korowii, ba lɛɛ mɛ. Che he nyina aa wola jaɡa dɔe la ta, dɛ́ lɛɛ mɛ le seo ta.

Yela 6:4 Referans Kwoze

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Yela 17:13

N Naa Korowii, ir nyu ne, puu ba, dɛ́ ba ba ne harɛ, kpɔ he tokobi, dɛ́ lɛɛ mɛ le nyubinikpeɡ tena nɔn ta.

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Yela 121:7

Korowii ɛɛ lɛ heyaa le siswɛm bɛlbwa taa, dɛ́ kpɔ nɔn tɔ he nɛɛ kɛrɛdɛ ken.

Yela 116:4

Belaa n yerɛ Korowii ŋɔ, “N Naa Korowii, lɛɛ mɛ!”

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 80:14

Korowii Haa Ɛ Kpeɡri Bwa Dɔɔ, berɛ sie ya be. Che nyundua nyiŋi, dɛ́ ba lɛ yan yaa ɛ he nɛra,

Yela 22:20

Lɛɛ mɛ le tokobi seo nyoa. Lɛɛ mɛ le n dɔma baa do kɛŋɔ nyootena nɔ nɔn ta.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Yela 120:2

N Naa Korowii, lɛɛ mɛ le nyosonteŋna baa dɛ neɡre nɛra nɔn ta.

Yela 116:8

N Naa Korowii, he lee mɛ seo nyoa, dɛ fee n siniire, he ta ɡelɛ n lɔ na,

Yela 86:13

He nyina aa wola jaɡa dɔe la kan tɛ mɛ! He lɛɛ mɛ le seo nyoa.

Yela 69:13

Kɛ N Naa Korowii, henee n wi dɛɛ no, le saŋ haa dɛ nyin cheɡ dɛ́ chaŋ mɛ. Chaŋ mɛ he nyina waa kana la wa, he nyoa haa baɡ mɛ nomanta, hɛɛ lɛɛ mɛɛ.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Yela 13:2

Saŋ besoo waa aa dawɛ n nɛɛ nɔ ɛɛ ba a jaɡa bala ɔ? Bɛweeree tebinichɔɡ aa lɔ n nɛɛ chɔɔ ne jwaana nɔ, ɛɛ ba tona ɔ? Saŋ besoo n dɔma pɔ n nɛɛ ka tel ɔ?

Yela 74:10

N Naa Korowii, saŋ besoo ya dɔma mamɛ ka tel ɔ? Bá na dɛ́ bol waa dɛɛ yaɡɛ he sɔn saŋ bɛlbwa ɡɛ kɛɛ?

Yela 79:5

N Naa Korowii, saŋ besoo he baah di ya nɛɛ ka tel ɔ? He bandia ɛɛ teŋɔ ɡwaa ya nɛɛ ɡɛ dɛɛ la naa?