Yela 6:2 - mzwDBL

² N Naa Korowii, n ɡwɛɡrɔ, n poori, na n sum. N hoɡa bini bwa dɛ wee mɛ, chaah mɛ.

Yela 6:2 Referans Kwoze

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Yela 31:10

Suna dii ɡelɔ n ɡwɛɡre, wii kohona ɡelɔ maa won biɡri kohona. Wahala nae ɡelɔ n ɡwɛɡre, hale n hoɡa bini sɔɔhnɔ.

Yela 30:2

Korowii maa dɛ tomɛ, n wio noe kɛ he cha mɛ, asɛ he chaah mɛ,

Jeremia 17:14

N Naa Korowii, chaah mɛ ásɛ n bwara sɔɔh mɛ kɛrɛdɛ. Lɛɛ mɛ ásɛ n dɔ bosɔɔhna kohona, dɛkalkɛ henee mɛɛ kpɛɛ saŋ bɛlbwa.

Yela 51:8

Gel n no silɛɛ ne hɛɡra ɡbɔɡa, a lole kɛŋɔ he lɔ mɛ bil, n hoɡa bini ɛɛ wee mɛ, mɛɛ berɔ dɔ silɛɛ ja.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Yela 38:7

N nyaŋ dɛ nyaa mɛ, dɛɛ wee mɛ, n bokpeɡa tonɛ.

Yela 38:3

He bandia ɡelɔ n bwara ɛɛ nyɛɡ mɛ, n wechɔɡa nomanta, n bwadabii bwa ne weelaa.

Yela 32:3

N fa aa wola n wechɔɡa maa ɛa bolɛ la, n wio tɔpebir bwa, dɛ ba koh.

Mumpar 20:17

Asɛ Abraham soŋe Korowii tɛ Abemɛlɛk ne o haah dɛ o yomhaahna la bwa kɛ ó pili ba lol, asɛ o pili ba lol ba won loɡle,

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Job Tɔn 5:18

Onee dɛɛ do nɛn bol dɛ berɛ dɛɛ vɔrɔwo, dɛɛ do nɛn weela dɛɛ chaoh.

Nɛra Kura 12:13

Anee Mosis wi no Korowii ŋɔ, “N Naa Korowii, n dɛ soŋe, chaoh!”

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Job Tɔn 19:21

N daamanar, hé dɔ tedoma tɛ mɛ, Korowiirii lɔ mɛ bil.

Yela 38:2

He ta he hɛma yaɡ mɛ, dɛ lɔ mɛ bil.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.