Yela 57:1 - mzwDBL

¹ N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 57:1 Referans Kwoze

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Yela 36:7

Na ɡɛ he nyina aa wola jaɡa dɔe aa wera! He kena lɔɡree ya chwa baa sɔh, kɛŋɔ jal yon lawɛ o bii, do o kena lɔɡre la.

Yela 61:4

Gel n so he Dea bela saŋ bɛlbwa dɛɛ la, laɡ mɛ sɔh he lɔɡa, kɛŋɔ jal yon lawɛ o bii do o kena lɔɡre la.

Yela 63:7

dɛkalkɛŋɔ henee dɛɛ cha mɛ, he lɔɡaa n chwa baa sɔh, kɛŋɔ jal yon lawɛ o bii do lɔɡa la, mɛɛ ɡo silɛɛ yela.

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Aesaya 26:20

Anomanta, n nɛra, hé ka jo he deene, dɛ́ laa ɡbeni tɔ he nɛ. Hé kpɔ he te sɔh tama ka tel kɛŋɔ Korowii baah aa sɔɔhna.

Yela 56:1

N Naa Korowii, na n sum, n dɔma dɛ ti mɛ sibeɡra ne tɔpere bɛlbwa, dɛ́ yoo mɛ.

Yela 91:9

He kpɔ Korowii kɛŋɔ onee hɛɛ ba chwae kaa marɛ. He ŋɔ Nemenɛ Korowiirii kpɔ nɔn dɛɛ tɔ he nɛ,

Yela 13:5

N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Yela 142:1

N do lɔŋɔ yerɛ Korowii, n soŋo ŋɔ ó na n sum.

Amanesoma Jɔn Aa Chwera Tɔn 16:20

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

Matiu 24:22

Kɛ dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Anomanta, ɡɛ aa ɛ ásɛ Korowii nɛra waa chal ba dɛ lɛɛ ba la dɔ ba nyu la, o teŋe tɔpechɔɡa la ane ta.

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Yela 59:1

N Naa Korowii, lɛɛ mɛ le n dɔma nɔn ta, kpɔ nɔn tɔ n nɛɛ le nɛra baa cheɡɛ n nɛɛ nɔn ta.

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

1 Samoɛl 24:3

Kooro Sɔɔl baa tel peera leɡa ane aa lɔ ŋwɛnɛ la nyoa bwebɔɔ bɛl bɔr, asɛ o jo o bini ka kwaa o te. Dɛ Devid ɡe ne o nɛra lɔ bwebɔɔ la jaɡa.

1 Samoɛl 22:1

Devid le bwɛjen Gat dɛ chwa ka sɔh bwɛjen Adulam bwebɔɔ bini. O dɔɔranar ne o mɛɛ dem tena aa no o waa la, ba la o be bela.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

1 Samoɛl 24:8

Belaa Devid ɡe le bwebɔɔ la bini dɛ yerɛ Kooro Sɔɔl ŋɔ, “N naa kooro.” Kooro Sɔɔl aa kea nyiŋu la, Devid ɡure nyu su, dɛ kpɔ sie pi harɛ.

Mmarare 9:26

N soŋe Korowii kɛŋɔ, ‘Nemenɛ Korowii haa dɛ di komɛlbwa kpeɡri, n poori bɛ he nɛra haa kpɔ he kpeɡri waa kana dɛ lɛɛ ba le Ijipt harɛ ta la chɔɡ ta.

1 Samoɛl 24:4

Asɛ Devid nɛra la ŋɔ o be ŋɔ, “Fini tɔpere nɔ, Korowii dɛ bol he be ŋɔ, ‘Mɛɛ kpɔ he dɔmee do he nɔn ta he ɛo ɡɛ bɛlbwa haa dɛ nyin.’ ” Ate, Devid huuh dɛ sɔh ka mɔn Kooro Sɔɔl batakaare nyoa, dɛ waa jemɛ.

1 Samoɛl 26:9

Kɛ Devid ŋɔ, “Bɛ on kpo! Nomɛlbwa waa kpo nɛn Korowii aa fuɡe noo do o nyu ta dɛ cheɡo kora ta la ɛɛ di bolchɔɡee.”

Yela 75:1

N Naa Korowii, ya kpɔ jam dɛɛ tɛɛ, ya dɛ bol kan haa doa, ne nyokpowaa haa ɛa wa.