Yela 51:3 - mzwDBL

³ dɛkalkɛ n jemɔ kɛ n ɛ wechɔɡa, a chɔ n sie saŋ bɛlbwa.

Yela 51:3 Referans Kwoze

Aesaya 59:12

N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Yela 38:18

N dɛ bol n wechɔɡa, a ɡelɔ mɛɛ ɔmɛ kwara.

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Yela 40:12

N dɔma baa wola nyoa dɔe bar mɛ cheme, n wechɔɡa ɡwaa n nɛ, maa jemɛ bela maa kpɔ. A warɔ ɡwaa n nyumpona kwara, a ɡel n hwɛɡa bwa ta.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

Nehemia 9:2

Ba bini banɔ la baa ɛ Israel tena naanar la, pere ba te le banɔ la baa ɛ nɛŋhɔɔhra naanar la bini, dɛ ka che dɛ bol ba wechɔɡa, ne ba naawa nyubinikpeɡ waa baɡle Korowii.

Yela 41:5

N dɔma dɛ bol n bwara wechɔɡe ŋɔ, “Bɛweeree ó sewɛ ásɛ o sɔn he te nɔ?”

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.