Yela 5:11 - mzwDBL

¹¹ Gel nɛra baa chwaa baa marɛ sie lɛ, baa wonoo ɡo yela saŋ bɛlbwa ba sie lɛ. Kpɔ nɔn tɔ ba nɛ, ásɛ nɛra he wa aa lɔ ba bambile ta la sie lɛ.

Yela 5:11 Referans Kwoze

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Yela 68:3

Kɛ nɛra ba wa aa toɡra sie lɛo, baa hɛɡre hen Korowii sie, ba sie lɛo baa moo.

Yela 40:16

Nɛra baa laŋa kaa tomɛ la, ɡel bá dɔ silɛɛ dɛɛ hɛɡre. Gel nɛra haa lɛɛ ba ba dɔ mkpa la ɛɛ ŋɔ, “Hé na ɡɛ Korowii aa kana!”

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 69:36

O bonɔɔna naanaree dɛ́ ka so o ta, nɛra baa dɛ nyin o waa laanee dɛ́ ka so bela.

Yela 65:13

Peera lɔ kpɔɡ bini bobɛlbwa, dɛɛ di, fɛlembɔjena bwa su mea, aa ɡo yela dɛɛ moo silɛɛ ne kɛ nɛra ken.

Yela 35:27

N Naa Korowii, ɡel banɔ la baa dɛ nyin n di boldɛɛɡe, ɛɛ do lɔŋɔre silɛɛ ne. Ásɛ baa bol ŋɔ, “Korowii kan ɡa, o sie lɛ o bonɔɔ wer waa doa ta.”

Yela 58:10

Nɛra ba wa aa toɡra sie ɛɛ lɛo kɛŋɔ wechɔɡ-ɛɛra aa dɔ deŋnetɛra, baa valɛ ba chal taa.

Job Tɔn 38:7

Awola chɔmbibii la weweela ɡo yela kɛŋɔ nɛra ken, nyundua toroma ɡe sie lɛ dɛɛ dooɡe lɔŋɔre.

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.