Yela 5:10 - mzwDBL

¹⁰ N Naa Korowii, pa ba bole dɛ́ tɛr ba deŋne, ɡel ba ɡbaɡba waa baa vɔrɔwa ɡure ba nyu ta. Doŋ ba le he sie, ba wechɔɡa kohona ne ba deŋnekpeɡ baa dɛ ɛɛ la wa.

Yela 5:10 Referans Kwoze

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

Yela 71:13

Gel sihiih kpo nɛra baa cheɡɛ n nɛ, nɛra baa dɛ nyin n ne wechɔɡa la, ɡel ba di ncho kohona.

Yela 31:18

Gel nyosonteŋna la nyoa sɔɔh, mbarafo tena baa wola waa bu, dɛ bol wobochɔɡa dɛɛ yaɡɛ nɛra ba wa aa toɡra la.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Wiile 1:5

O dɔma pɔ o nɛ, dɛɛ di kpeɡri. Korowiirii ŋɔa o bwara nyɛɡ o wechɔɡa aa kana kohona la wa. Ba lawɛ o bii bwa laa ta kaa harɛfala ta o dɔma siwi ta.

Yela 55:15

N Naa Korowii, ɡel n dɔma piɡri serewe, ɡel ba huɡ ba dɛ ba siwi ta lole, dɛkalkɛ wechɔɡa lɔ ba bambile ne ba deremi.

Yela 35:26

N Naa Korowii, ɡel sihiih kpo nɛra baa dɛ mam mɛ kohona, ásɛ dɛ wili, n wahala maa dɛ na wa. Gel sihiih kpo nɛra baa dɛ lii kɛ ba ɡwaa mɛ kohona.

Daneɛl 9:9

Korowii yaa dɛ tomɛ, a lole kɛŋɔ ya ɛ deŋnekpeɡ he nɛ, he dɛ sune nɛn nɛɛ dɛ kpɔ wechɔɡa dɛɛ kɛ,

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Yela 107:11

dɛkalkɛ ba ɛ Nemenɛ Korowii deŋnekpeɡ, dɛ vɛh waa waa baɡ ba ta teŋa.

Yela 79:12

N Naa Korowii, bɔ harɛre baa kaa la kem bele anuanɛ, chɛɡa baa dɛ chɛɡre la wa.

Yela 66:7

O cheɡɛ o kpeɡri ta dɛɛ di kora saŋ bɛlbwa. O sie lɔ harɛ nɔ ta nɛra bwa nɛ, deŋnekpeɡ tena bɛ habɔɔ berɛ kpoo.

Yela 17:13

N Naa Korowii, ir nyu ne, puu ba, dɛ́ ba ba ne harɛ, kpɔ he tokobi, dɛ́ lɛɛ mɛ le nyubinikpeɡ tena nɔn ta.

Yela 10:15

Sɔɔh kpeɡri nyubinikpeɡ tena ne wechɔɡ-ɛɛra aa dɔa la nyoa, ba wechɔɡa baa ɛa la wa, tɛr ba deŋne ka tel kɛŋɔ, baa ɡela kwaraa.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

1 Samoɛl 25:39

Devid baa no kɛ Nabal sewɔ, asɛ o ŋɔ, “Korowii jam kɛŋɔ waa bɔ Nabal kem n chɛɡa waa chɛɡ mɛ wa, asɛ o ta ɡelɛ men maa ɛ o bonɔɔ ɛ wechɔɡa bɛlbwa nɔ. Korowiirii tɛr o deŋne o wechɔɡa waa ɛa waa la.” Asɛ Devid tomɛ ba ka ŋɔ Abiɡel be ŋɔ o dɛ nyinu dɛ́ mo.

1 Samoɛl 25:29

Hale dɛ nomɛl dɛ nyini dɛ́ kpo kwara naa, Korowii haa dɛ tomɔ la ɛɛ kpɔ nɔnee tɔ he nɛ, kɛŋɔ nomɛl aa dɛ nyiŋi kondɛɛɡe bɛl o waa hiah la ken. Kɛ he dɔma te, wɛɛ viɡ baa kɛŋɔ vamtor bwea ken.

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.