Yela 48:2 - mzwDBL

² Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Yela 48:2 Referans Kwoze

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Matiu 5:35

He bɛ harɛ ŋwɛɛ, o natiɡribɔree. He bɛ bwɛjen Jerusalam ŋwɛɛ, Koojen bwɛɛ bela.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Aesaya 14:13

He fa liiro ŋɔ, ‘Mɛɛ teehnoo kaa nyundua. Korowii weweela baŋ lee mɛɛ ba n kookara kpɔe ka cheɡ, dɛ́ so kɛŋɔ kooro weekaŋle nyunduabɔr bwejen la ta, bela kwaa aa bea baa wola an na aa dɛ cheme la.

Daneɛl 11:16

Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Daneɛl 8:9

Nyeɡlejeɡa bɛl leɔ pa nyeɡlare la bɛl ta, dɛ di kpeɡri kohona chaɡɛ weekaŋle harɛbɔr ne wee leebɔr, dɛ kpoŋe kaa Israel Harɛdɛɛɡe la ta.

Aesaya 66:10

He banɔ la haa dɛ nyin Jerusalam waa la, he ne ó pɛ lɛ sie. Nɛra haa wia tɛo bwa ɡe hɛɡre.

Malakae 3:12

Anee dɛ́ ɡel harɛre ta nɛra bwa yerɛ heyaa bosɔɔhna tena, dɛkalkɛ he soɡe harɛdɛɛɡe ta. Men Koranar Bwa Kooroo bola.”

Jeremia 3:19

Belaa Korowii ŋɔ, “Israel tena, n dɛ nyin kɛ ń kpɔ heyaa berɛ n bii dɛ́ tɛ heyaa harɛ waa wera, harɛ waa wera kohona harɛre bwa ta. N liiro ŋɔ hɛɛ yer mɛ he mɛɛ dɛ bɛ habɔɔ berɛ kpo mɛ.

Yela 76:2

Jerusalamee o bwɛ, o so Saayɔn Bwejen doa.

Yela 87:3

Bwɛjen Jerusalam, no ɡɛ waa bol he jirima haa dɔa wa.

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Yela 135:21

Hé kpɛɛ Korowii waa lɔ o Dea bwɛjen Saayɔn, dɛ do Jerusalam waa ɛ o dem la. Hé kpɛɛ Korowii!

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Daneɛl 11:45

A habɔɔ la, wɛɛ baŋre tɛnte dedɛɛɡa aa kana á ɛ o koodem, Mɛdetereenea Mpo ne bwejen bela Korowii Dea aa cheɡa la baah ta. Kɛ wɛɛ ba sewɔɔ, dɛ nomɛlbwa toole bela dɛ́ chao.”