Yela 47:3 - mzwDBL

³ Onee ɡela ya yo harɛre nɛra, dɛ pɔ ba nɛ, ba ba do ya lɔɡa.

Yela 47:3 Referans Kwoze

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Yela 18:47

Korowiirii tɔ n wel tɛ mɛ, o kpɔ harɛre nɛra do n nɔn ta.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 81:14

N fe ɛɛ yo ba dɔmaa, dɛ́ pɔ ba nɛɛ warane.

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.

Yela 99:2

Korowii kan dɛ do bwɛjen Saayɔn dɛɛ di kora harɛre nɛra bwa nɛ.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”