Yela 44:2 - mzwDBL

² He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 44:2 Referans Kwoze

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

2 Samoɛl 7:10

Mɛɛ kpɔ harɛ waa ɛ n nɛra Israel tena ɡbaɡba konee tɛɛ ba, bá ka so o ta ba bwara sɔɔh ba. Nɛnchɔɡa aa ban fiiɡi kpa, ɡɛ a fa aa doa wubwa la,

Josua 21:43

Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Yela 105:44

O kpɔ nɛra bane harɛre ne ba kooni tɛɛ ba a berɛ ba kapɛrɛ kwa,

Josua 24:12

N ɡelɔ jeŋibotoola tɔ he sie dɛ ba doŋ ba, bane Amɔre tena koranar banɛ la. Hɛma ne keri laa he kpɔ yoo ba.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Nɛra Kura 13:32

Ate, ba kpɔ harɛ la waa dɛɛ ɡaaɡe ba bala Israel tena la bini, dɛ teŋe nyosone dɛɛ chɔɡ ba liire ŋɔ, “Harɛ la aa were dɛ́ won cha yaa kohona, nɛra yaa na ba bela ɡe bwa kpekpeɡo kɛrɛdɛ.

Kaala 34:11

Hé nyiŋi kɛrɛdɛ dɛɛ teŋɛ waa maa dɛ do heyaa a ta fini nɔ ta. Mɛɛ doŋi Amɔre ne Keenan ne Hiti ne Pɛrɛs ne Hivi dɛ Jebus tena he siwi taa dɛ́ le harɛ nɔ ta.

Kaala 23:28

Mɛɛ ɡeloo jeŋibotoola tɔ he sie, dɛ́ doŋi Hivi ne Keenan dɛ Hiti tena le he ŋwɛnɛre ta.

Kaala 15:19

Gɛɛ a do Ijipt kooro kwaa aa do kɛŋɔ torɔɡo ba vɔwɛ dɛɛ pɛl jaɡre, ne baala baa soɡe jaɡre ta bwa jo mpo la bini, asɛ Korowii ɡel nee la ba bɔle ba nɛ. O ɡelɔ Israel tena la te valɛ harɛpɛɛ waa hola ta mpo la bini dɛ le.

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Mmarare 4:38

O doŋi nɛra le ba harɛre ta, banɔ la baa kana dɛ do kpeɡri ɡwaa heya, dɛ kpɔ tɛ heyaa kɛŋɔ kapɛrɛ kwa, ɡɛ aa doa fini nɔ.

Mmarare 32:7

Hé lii fafa la, nɛra baa lole ɡɛ saŋ la. Hé bɔɔ he nɛmbena ba baɡle waa aa chiɡa. Hé bɔɔ ba bá baɡle saŋ la waa he be.

Sitɔɔla 6:13

Anee o chaŋo ŋɔ, “Nomoa, dɛ Korowii ja ya nɛ aa, ɛrɛɛ anɔ bwa berɛ pu yaa nɔɔ? Nyokpowaa ya naawa aa bol a waa baɡle yaa ŋɔ Korowii ɛa dɛ lɛ yaa le Ijipt harɛ ta la, ɛrɛɛ waa wola ane ɛɛ ya ɡe na nɔɔ? Taraken o ta yaa, dɛ kpɔ yaa do Midian tena nɔn ta.”

2 Samoɛl 23:12

Kɛ Samaa lɔ bambile che koo la baah ta, dɛ yo lɛ koo la cheɡ, dɛ kpoo Filisti tena la. Korowii ɡelɔ o kpoo ba kɛrɛdɛ awola.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.