Yela 43:3 - mzwDBL

³ Kpɔ he nii waa do kɛ kandea, ne he kasinteŋ ba tɔ n sie, ba n ne he bwe waa do ɡoroŋ la ta, he Dea bela haa lole la.

Yela 43:3 Referans Kwoze

Yela 36:9

He nɛɛ ya che dɛɛ dɔ mkpa, he nii laanee ɡela bɔr chaah yaa na.

Amanesoma Jɔn Aa Chwera Tɔn 1:4

Korowii Nyoa Wobol la bee Korowii mkpa do, asɛ ɡɛ mkpa nɔ ɡe ɛ kɛŋɔ nii dɛɛ chaah nɛwɛnyini sie.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

Yela 119:105

He waa la do kɛ kandea dɛ tɛ mɛ, dɛ ɛ nii dɛɛ chaah mɛ ŋwɛnɛ, bela bwa maa kpɔ.

Yela 97:11

Nii dɛ chaah nɛra ba wa aa toɡra sie, nɛra ba wa aa wera ɡe ɛɛ dɔ silɛɛ.

Yela 84:1

Nemenɛ Korowii, n bambile lawɛ he Dea kɛrɛdɛ.

Yela 40:11

N Naa Korowii, n jemɔ kɛ haa n sum nae ɡel bwa, he nyina ne kasinteŋ ɛɛ tɔ mɛ ɡbemɡbee saŋ bɛlbwa.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Yela 57:3

Hɛɛ no n wesoŋaa le nyundua dɛ́ ba lɛɛ mɛ, dɛ́ pɔ nɛra baa dɛ fiɡ mɛ nɛ. Hen Korowii ɛɛ baɡle he nyina aa wola jaɡa dɔe, ne he kasinteŋ haa dɔa laanee n nɛ.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Yela 46:4

Nee bɛl ɡelɔ nɛra ɛɛ dɔ silɛɛ, Korowii bwɛjen la ta, Nemenɛ Korowii Dea waa do ɡoroŋ la ta.

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

1 Webena 16:39

Kooro Devid kpɔ sɔfo Sadɔk ne o bala sɔfore so Korowii Tɛnte Dea bela baa chema dɛɛ tomɛ Korowii o do Gebeɔn.

2 Samoɛl 15:20

Dɛ tɔpere nɔ ɡbosoroo he den ba. Maa wola jemɛ bela maa dɛ kaa nɔ, ɛrɛɛ mɛɛ ba wona ɡel he teŋɛ ya nɛɛ dɛɛ ɡaaɡe ɔ? Berɛ kaa ka tɔ he nɛra sie. Kórowii sune he nɛ, dɛ́ chae.”

1 Webena 21:29

Dɛ Korowii Tɛnte Dea Mosis aa baŋro pua hɛŋle ɡbo harɛ ta, ne kon baa dɛ fuh saraha kwaa o ta la bwa ta lɔ bela baa dɛ tomɛ Korowii Gebeɔn.

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.