Yela 42:6 - mzwDBL

⁶ ne Korowii maa dɛ tomɛ. N bambile chɔɡɔ kohona, anomanta, mɛɛ lii he waa, dɛ́ le Jɔɔdan Moo nyuune ta, ne Misar ne Hɛmɔn Bwejena dor.

Yela 42:6 Referans Kwoze

Yela 61:2

N lɔ bojaŋ harɛ jaɡa, dɛ di suna wi dɛɛ noe! Laɡ mɛ kaa bela maa ka dɔ n nyu,

Jona 2:7

N naa Korowii, maa naa kɛŋɔ n fe dɛ ba sewa la, n lii he wa, n siwi swɛɛ he soŋa ta, a tel he be, he Dea waa do ɡoroŋ la ta.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

2 Samoɛl 17:22

Anomanta, Kooro Devid ne o nɛra baa ja o nɛɛ la bwa kpɔ ba te, dɛ ka ɛɡɛ Jɔɔdan Moo la kaa o baŋ. Tɔɔ ne pera dɛ ba bwa ɡalɔ kaa.

Matiu 27:46

Wekee saŋ aa baa tel la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

2 Samoɛl 17:27

Kooro Devid aa tel Mahanaim la, Nahas bibaa Sobi waa le bwɛjen Raba waa lɔ Amɔn harɛ laanee baa chemo, dɛ Ameɛl bibaa Makir waa le Lo Debar, ne Baasilai waa le Roɡelim dɛ do Gelead harɛ ta,

Yela 43:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee ɛ n Lɛɛ.