Yela 41:1 - mzwDBL

¹ Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Yela 41:1 Referans Kwoze

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 14:21

Nɛn waa dɛ na nyaara sum la, o na som, kɛ a ɛ wechɔɡa kɛŋɔ he hah he dɔŋ, dɛɛ nyiŋi o nyubaah.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Yela 37:19

Baa wahalaa na sibeɡra saŋ, lɔr saŋ kwaraa yaa, dɛ ba te dɔ kondikwa.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Amanesoma Mak Aa Chwera Tɔn 14:7

Nyaara aa he be paŋa ba bwa. Dɛ he dɛ nyin ban wedɛɛɡa ɛɛ yaa, hɛɛ wonoo dɛɛ ɛɛ ba saŋ bɛlbwa. Kɛ n te, maa he bee do ka tonɛ.

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

Galaasia 2:10

Waa baa bola ja bwaa kɛŋɔ yáa lii nyaara waa dɛ́ɛ cha ba. Dɛ ɡɛ waa nɔ ɛ waa n ɡe aa swɛɛ siwi dɛɛ ɛa wubwa.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Sɛɡla 16:14

Kooro baah diu waa, wɛɛ won ɡel ba kpoe, wejeremee jemɛ o larawa.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Rut Tɔn 2:19

Asɛ Naomi bɔɔro ŋɔ, “Leperaa he ka ɡaaɡe fini nɔ? Ume koo taa he ka kuuh dɛ dɔ anɔ bwa ken? Korowiirii dɛ cha naate waa na he sum nɔ.” Anee Rut ŋɔ o be ŋɔ, “Boas koo taa n ka ɡaaɡe.”

Jeremia 39:17

Kɛ men Korowii ɛɛ lɛɛ awola tɔpere, baa wola hen lawɛ tɛ nɛra haa dɛ ɔm ba la.