Yela 40:2 - mzwDBL

² O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.

Yela 40:2 Referans Kwoze

Yela 37:23

Korowii sie lɛ nɛra we-ɛɛla ta naa, o dɛ baɡ ba ŋwɛnɛ baa kpɔ o ta, dɛ kpɔ nɔn dɛɛ tɔ ba nɛ.

Yela 119:133

Bɛ ɡel n lɔ na, ɡɛ haa baɡɛ nyoa la, dɛ bɛ ɡel wechɔɡa ɡwaa n nɛ.

Yela 27:5

Hɛɛ lɛɛ mɛɛ n wenaale tɔpere, dɛ́ kpɔ nɔn tɔ n nɛ he Dea dɛ́ laɡ mɛ sɔh bela, dɛ́ kpɔ n naa cheɡ bodɛɛɡe.

Yela 61:2

N lɔ bojaŋ harɛ jaɡa, dɛ di suna wi dɛɛ noe! Laɡ mɛ kaa bela maa ka dɔ n nyu,

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Yela 86:13

He nyina aa wola jaɡa dɔe la kan tɛ mɛ! He lɛɛ mɛ le seo nyoa.

Yela 69:2

A do kɛŋɔ maa dɛ morɛ vil kpechɛɡre aa lɔ o bini, n ta bodɛɛɡe dɔe ń kpɔ n naa cheɡ. A do kɛŋɔ maa le vil bini nehɛma ɛɛ ba lɔe ba tɔ n nɛ.

Sekaria 9:11

Korowii ŋɔ, “Kɛ he te, kwaa haa kpoora dɛ ɛ saraha tɛ mɛ la, a chal nee n ne he fɔwɛ fɔo, anomanta, mɛɛ lawɛ he nɛraa le bɔɔ baa kaa do ba o bini nee aa wola toole bela la ta.

Yela 18:36

He kwaa ŋwɛnɛ o do paɡri tɛ mɛ, ásɛ n bɛ naa lɔ.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Yela 143:3

N dɔma ti mɛ, dɛ lɔ mɛ bil harɛ, dɛ ɡel n do biro ta, kɛŋɔ nɛra baa serewa kaa biɡri ken.

Yela 17:5

He ŋwɛnɛ taa mɛɛ valɛ saŋ bɛlbwa, n ta kee le o ta bwa.

Yela 116:3

Seo vɔɡ mɛ bil, lalbɔɔ weweele bɔle n nɛ n liire chɔɡ, ɔmee su n bwa.

Matiu 13:50

ásɛ dɛ kpɔ nɛnchɔɡa la ka ta ninlao ta. Belaa wii ne weweele do.”

Aesaya 24:22

Korowii ɛɛ lawɛ koranaree pɛ do dea, kɛŋɔ ba yon lawɛ wechɔɡ-ɛɛra dɛɛ do dea la, ásɛ a ba dɛ la sie ó tɛr ba deŋne.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.