Yela 39:12 - mzwDBL

¹² N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Yela 39:12 Referans Kwoze

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

Hibru 11:13

Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

Yela 119:19

N ɛ hɔɔh harɛ nɔ ta, bɛ he waa haa do mɛ a ta la kpɔ sɔɔh mɛ.

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

Yela 56:8

He na ɡɛ n bwara aa dɛ nyɛɡ, he ɡbabir jemɛ n suna maa dɛ di. A toole he tɔn bini ɡɛ naa?

1 Webena 29:15

Ya ɛ hɔɔhra he sie kɛŋɔ ya naawa bwa fa aa ɛa la. Ya tɔpera yaa di harɛ nɔ ta do kɛŋɔ lileo, tamaa ken dɛ o kaalɔ la ken. Ya ta hwɛɡa bɛlbwa dɔe.

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Yela 116:3

Seo vɔɡ mɛ bil, lalbɔɔ weweele bɔle n nɛ n liire chɔɡ, ɔmee su n bwa.

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

2 Kɔrent 5:6

Anomanta, ya bwara aa yaa hwah bwa. Ya jemɔ kɛ ya lɔ ya bwadabii nɔ bini naa, ya toole ya Dɔɔ be,

Yela 102:1

N Naa Korowii, no n wesoŋa, no n wii maa dɛ wi dɛ́ cha mɛ.

Yela 119:54

N soɡa tama harɛ nɔ ta nɔ, he waa laanee ber mɛ yela mɛɛ ɡo.

Mumpar 21:34

Abraham soɡe Filisti tena harɛ ta bela biɡri.

Job Tɔn 13:28

Gɛɛ a do, nɛn do kɛ daa waa pɔah, kɛŋɔ yal chao aa dɛ diu ken.”

Yela 90:9

He bandia ɡelɔ ya tɔpera do bori, a dɛ kaa warawara kɛŋɔ hweera ken.