Yela 39:1 - mzwDBL

¹ N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Yela 39:1 Referans Kwoze

Sɛɡla 21:23

He jemɛ he nyoa lawa aa, haa waa dɔ.

Yela 141:3

N Naa Korowii, cha mɛ, mɛɛ nyiŋi wobol aa dɛ le n nyoaa.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Yela 34:13

wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

1 Koranar 2:4

Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 62:1

N soɡo jeih ken, dɛɛ nyiŋi Korowii siwi ta kɛ ó ba lɛɛ mɛ, o ɡbo nɛɛ mɛɛ hwɛɡɛ.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Yela 77:1

N wio no Korowii ŋɔ, ó cha mɛ, n wio noo asɛ o no n be.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

Emɔs 5:13

Anomanta, nɛn waa jemɛ waa la tɔ nyoa, a ɡɛ wechɔɡa saŋ nɔ waa aa do ɡɛ nɔ ta.

1 Webena 16:41

Nɛra baa ja ba nɛɛ laanee, Heman ne Jedutun, dɛ banɔ la bwa baa lee ba cheɡ ŋɔ bá ɡo yela dɛɛ jam Korowii, dɛkalkɛ o nyina lole saŋ bɛlbwa dɛɛ la.