Yela 37:3 - mzwDBL

³ Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 37:3 Referans Kwoze

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Amanesoma Luk Aa Chwera Tɔn 22:35

Asɛ Yeesu bɔɔ o habɔteŋra la ŋɔ, “N fa aa tomɛ heyaa ŋɔ hé ka bol Amanesoma la, dɛ ŋɔ he bɛ suuɡa kpɔ, he bɛ pure ne naŋɡawa kpɔ la, komɛl nya heya aa?” Asɛ ba ŋɔ, “Komɛlbwa sese ta yaa nyae.”

Yela 4:5

He ɛ sarahare Korowii aa ŋɔa la ásɛ dɛɛ yaradao.

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Mumpar 26:2

Dɛ Korowii fa kpɔ o te baɡle Aesek dɛ ŋɔ, “Dɛɛ berɛ Ijipt laŋa kpa. So harɛ maa chaɡle nɔ ta.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

1 Koranar 19:6

Elaeja iro nyiŋi dɛ na paanoo ne loŋ bɛl ne nee o nyu bɔr, dɛ kpɔ di dɛ nyɔ nee la, dɛ berɛ kwaa chɔ ja.

Sɛɡla 3:5

Bɛ he te kpɔ dawɛ anɔ la haa jema ta, kpɔ he hwɛɡa bwa do Korowii nɛ.