Yela 34:16 - mzwDBL

¹⁶ Kɛ wechɔɡ-ɛɛra te, o kii ba, ba sewaa, baa ba waa lii kpa.

Yela 34:16 Referans Kwoze

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Jeremia 44:11

Anomanta, men Koranar Bwa Kooro, Israel tena aa dɛ tom mɛ la sie ɛɛ beɡre he nɛɛ, dɛ́ kpɔ wenaale ba he nɛ, dɛ́ chɔɡ Juda harɛ bwa.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Job Tɔn 18:17

Nomɛlbwa aa ba waa lii harɛ nɔ ta ba sɔna he kwaraa.

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

Emɔs 9:4

A lole kɛŋɔ ba dɔma laɡ ba laa ta kaa bojaŋ harɛfale ta, mɛɛ ɡeloo bá kpoo ba laa ta. N siwi swɛɛ ba nɛ, ba wedɛɛɡa te waa laa, ba kpoora waa.”

Wejereme 8:10

N berɔ na nyubinikpeɡ tena baa huɡ ba, kɛ nɛra le huɡribɔr bela ba naa, ba yon berɛ dɛɛ kpɛɛ ba bwɛjen la bini baa soɡa dɛ ɛ wechɔɡa la. Anɔ bwa ɡe ɛ wepuu.

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Job Tɔn 36:7

Waa sie laa dɛɛ kpɔ nɛra ba wa aa toɡra nɛ, o ɡelɔ baa do kɛ koranar, dɛɛ dɔ duure saŋ bɛlbwa.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 94:9

Korowii laa tɛ yaa deŋna ne sibie aa? Waa waa no aa? Waa na naa?

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.