Yela 32:5 - mzwDBL

⁵ Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Yela 32:5 Referans Kwoze

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

Yela 38:18

N dɛ bol n wechɔɡa, a ɡelɔ mɛɛ ɔmɛ kwara.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

2 Samoɛl 24:10

Kooro Devid aa kure laa tena la tonɛ la, o liire ɛo anebɛlbwa asɛ o ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

Yela 103:12

Gɛ wee leebɔr ne wee cholibɔr baah aa jaŋa la, ɡɛɛ ya ne wechɔɡa waa laa kpɔ ya nɛɛ la baah do jaŋne.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Amanesoma Luk Aa Chwera Tɔn 7:47

Anomanta, mɛɛ dii kasinteŋii. Nyina haah nɔ aa nyin n waa kohona nɔ baɡlɔ kɛ Korowii kpɔ o wechɔɡa damanta waa ɛa la bwa kɛo. Naate waa wola wechɔɡa ɛɛ kohona a ɛ kɛŋɔ he kpɔa kɛo la, nyina waa dɛ nyin he waa la aa kan do. Waa Korowii jam kohona kɛ nɛn waa ɛ anjena la.”

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

2 Samoɛl 12:9

Ɛrɛɛ he vɛh men Korowii waa maa doe a ta dɛ ɛ wechɔɡa ɡɛ nɔɔ? He ɡelɔ ba kpo Uria Hiti te la, asɛ he kpɔ o haah mo. Amɔn tena nɔn taa he kpɔɔ do, dɛ ɡel ba kpoo laa ta.

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Sɛɡla 30:20

Ŋwɛnɛ haah waa wola kasinteŋ dɔe tɛ o jaa, aa dɛ kpɔ o taa nɔ. O yon le o jaa habɔɔ ka kpɔ banfale dɛ berɛ sɔ ne, dɛ ŋɔ, ‘N ta wechɔɡa ɛɛ.’

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Job Tɔn 31:33

dɛ n tɔ n wechɔɡa ta ɡɛ bane aa dɛ ɛ, a do n bambile bini,

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Lewi Dea Tena 5:5

Nomɛlbwa waa di ɡɛ waa nɔ bini bɛlbwa bolchɔɡe la, ó bol ɡɛ wechɔɡa la nɛra baah ta,

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

1 Koranar 8:50

Kpɔ he nɛra wechɔɡa baa ɛa bwa ne deŋnekpeɡ kɛ ba, dɛ́ ɡel ba dɔma nyiŋi ba nɛɛ kɛrɛdɛ.

2 Webena 6:29

nɛra yaa ɛ he nɛra nɔ bini bɛlbwa koh a waa le o bambile ta, dɛ ir nɔɔra nyundua chaɡɛ he Dea nɔ dɛ soŋe naa,

Ɛsra 10:11

Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”

Yela 25:16

N Naa Korowii, berɛ sie n be, dɛ́ sune n nɛ, dɛkalkɛ n ɡwɛɡrɔ, n ta nomɛlbwa dɔe ó cha mɛ.

Yela 25:18

Nyiŋi n suna dii ne n bonyɛɡa, dɛ́ kpɔ n wechɔɡa bwa kɛ mɛ.

Yela 38:19

N dɔma warɔ, dɛ do kpeɡri, ba warɔ, dɛ hah mɛ pɛɛpɛɛ.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.