Yela 32:11 - mzwDBL

¹¹ He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 32:11 Referans Kwoze

Yela 64:10

Nɛra ba wa aa toɡra bwa ɛɛ hɛɡroo, dɛ́ chwa ka marɔ, ásɛ nɛra ba bambile bini aa toa kpɛɛro.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Yela 97:12

Nɛra he wa aa toɡra bwa, hé ɡel he sie lɛ, waa Korowii aa ɛa wa. Hé lii waa Korowii waa do ɡoroŋ aa ɛa, dɛ́ kpɔ jam tɛo.

Yela 97:1

Harɛ nɔ ta nɛra, hé ɡel he sie lɛ, dɛkalkɛŋɔ Korowii dɛ di kora. Gel nɛra baa soɡe ekwie harɛre ta la ɡe hɛɡre.

Yela 5:11

Gel nɛra baa chwaa baa marɛ sie lɛ, baa wonoo ɡo yela saŋ bɛlbwa ba sie lɛ. Kpɔ nɔn tɔ ba nɛ, ásɛ nɛra he wa aa lɔ ba bambile ta la sie lɛ.

Yela 68:3

Kɛ nɛra ba wa aa toɡra sie lɛo, baa hɛɡre hen Korowii sie, ba sie lɛo baa moo.

Yela 33:1

Nɛra he wa aa toɡra bwa, hé ɡo silɛɛ yela kpɛɛ Korowii waa waa ɛa wa, nɛra haa dɛ teŋɛ o waa ta bwa, hé kpɛɛro.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 3:1

Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Yela 125:4

N Naa Korowii, ɛ nɛra ba wa aa wera wedɛɛɡa, nɛra baa dɛ teŋɛ he Mmarare ta la.

Yela 32:2

Nɛn Korowii aa wola o wechɔɡa waa lii kpa, nyosone bɛlbwa aa wola toole o bini la, o na som.

Yela 7:10

Nemenɛ Korowiirii dɛɛ tɔ mɛ ɡbemɡbe, on dɛɛ lɛ nɛra baa dɛ teŋɛ o waa ta.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.

Yela 98:4

Harɛ nɔ ta nɛra bwa, hé ɡo silɛɛ yela kpɛɛ Korowii, hé ɡo yela kpɛɛro dɛ́ moo silɛɛ ne.