Yela 27:11 - mzwDBL

¹¹ N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Yela 27:11 Referans Kwoze

Yela 5:8

N Naa Korowii, n dɔma warɔ kɛrɛdɛ! Tɔ n sie ń ɛ anɔ la aa too he tea, ɡel n na he wa dɛɛ teŋɛ a ta.

Yela 86:11

N Naa Korowii, chaɡ mɛ he ŋwɛnɛ, ásɛ n tomɛ kasinteŋ ne. Gel n kpɔ bambibeŋkpoŋ tomɛ, dɛɛ ɔmɛ he sɔn.

Yela 26:12

N cheɡɛ bodɛɛɡe, nɛra ɡalɡa binii mɛɛ ba hen Korowii kpɛɛra.

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Yela 64:6

Ba dɛ vɔrɔwe wechɔɡa dɛ́ ŋɔ, “Waa yaa vɔrɔwa nɔ maɡrɔ kɛrɛdɛ!” Kasinteŋ, nɛwɛnyini tea bini aa jemɛ.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Yela 25:9

O cha nɛŋɡwɛɡra baa ɛ wa aa toɡra, dɛɛ baɡ ba o ŋwɛnɛre.

Amanesoma Luk Aa Chwera Tɔn 20:20

Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.

Sɛɡla 8:9

Nɛn waa dɛ no waa mun la, a bwa bini chɔɔ tɛo, dɛ berɛ toɡre tɛ banɔ la baa dɔ wejema.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Sɛɡla 15:19

Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Yela 54:5

Gel n dɔma vɔrɔwa baa vɔrɔwa ɡure ba nyu ta, che he kasinteŋ ta dɛ́ chɔɡ ba.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

Yela 139:24

Nyiŋi dɛ na kɛ wechɔɡa ane lɔ n bini, dɛɛ tɔ n sie ŋwɛnɛdɛɛɡe ta, saŋ bɛlbwa.