Yela 26:8 - mzwDBL

⁸ N Naa Korowii, bela haa soɡa dɛ do n wer, bela he jirima aa lole la.

Yela 26:8 Referans Kwoze

Amanesoma Luk Aa Chwera Tɔn 2:49

Belaa o ŋɔ ba be ŋɔ, “Ɛrɛɛ he ɡaaɡe dɛɛ nyin n bɔr nɔɔ? He ta wone jemɛ kɛŋɔ n Mɛɛ Korowii deemii n do kɛɛ?”

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Aesaya 38:22

Kooro Hɛsɛkea bɔɔrɔ ŋɔ, “Bɔkwa waa dɛ́ baɡle kɛ mɛɛ la Korowii Dea nyundua belaa yɔ?”

Aesaya 38:20

Korowii ɛɛ lɛɛ mɛɛ, ásɛ ya lɔ janjela dɛɛ ɡo yela o Dea, ya soɡa bini bwa.”

Yela 122:9

Korowii yaa dɛ tomɔ la Dea nomanta, n dɛ soŋe ŋɔ hé wobɛlbwa chiɡ heyaa kɛrɛdɛ.

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

2 Webena 5:14

Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

1 Webena 29:3

Anɔ bwa habɔɔ, maa dɛ nyin Korowii Dea la kɛrɛdɛ nomanta, n berɔ kpɔ n ɡbaɡba suuɡaswɛm ne suuɡapoŋa dɛɛ tɛ bá kpɔ ɛ o toma.

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

2 Webena 7:2

Korowii jirima aa su Dea la bini nomanta, sɔfore la ta wone jo o bini.

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”