Yela 23:2 - mzwDBL

² O ɡelɔ mɛɛ chɔ bela kpɔɡlwɛɛ aa lole, dɛ tɔ n sie dɛɛ kaa nee aa wera ta.

Yela 23:2 Referans Kwoze

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Yela 46:4

Nee bɛl ɡelɔ nɛra ɛɛ dɔ silɛɛ, Korowii bwɛjen la ta, Nemenɛ Korowii Dea waa do ɡoroŋ la ta.

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Aesaya 8:6

“Jerusalam tena aa vɛh nyiŋa maa dɛ nyiŋi ba nɛɛ bɔeeh kɛŋɔ Siloa nenabɔɔ aa dɛ palɛ bɔeeh, dɛ dɔ silɛɛ Kooro Resin ne Kooro Pɛka nɛɛ kɛŋɔ bá ba cha ba nomanta,

Kaala 15:27

Ba berɔ ba tel Elim. Buli fi dɛ anɛ dɛ bambie daa fifraanuanɛ lɔ bela, asɛ ba baŋre ba tɛnte deene nee la jwɛɛh bela.