Yela 20:3 - mzwDBL

³ Ó lii sarahare haa tɛo bwa, ásɛ dɛ lɛ sarahare haa fuah tɛo la.

Yela 20:3 Referans Kwoze

Yela 51:19

Ásɛ mɔɔ he sie lɛ saraha aa wera dɛ toɡre, ne saraha kwaa baa fuah la ta, mɔɔ yá kpoo nabala tɛɛ he saraha kon la ta.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

Mumpar 4:4

Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh,

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

1 Webena 21:26

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Yela 128:5

Kórowii che o Dea waa lɔ Saayɔn sweere andɛɛɡa he soɡa bini bwa, dɛ́ ɡel he na Jerusalam wer doe.

Yela 134:3

Korowii waa ta nyundua ne harɛ la, ó le Saayɔn dɛ́ swee heyaa andɛɛɡa.