Yela 18:9 - mzwDBL

⁹ O forɔ le nyundua ba harɛ, baama aa bira kpirkpir do o nakpale lɔɡa.

Yela 18:9 Referans Kwoze

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Hibru 12:26

Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”

Amanesoma Jɔn Aa Chwera Tɔn 13:7

Anee Yeesu chaŋo ŋɔ, “Haa n waa maa dɛ ɛ nɔ mun jemɛ taraken mɔɔ. A habɔɔ hɛɛ ba jema.”

Amanesoma Mak Aa Chwera Tɔn 15:33

Wee aa baa che nyubaah la, bɔr biro jumaa ken dɛ ka tel wekee saŋ mɔɔ bɔr berɛ chaah ja.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

2 Samoɛl 22:10

O forɔ le nyundua dɛ ba harɛ, asɛ baama biŋere do o naa lɔɡre.

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Yela 68:4

Hé ɡo yela kpɛɛ Korowii sɔn, hé kwaa ŋwɛnɛ tɛo, o le baama bini dɛɛ ba. O sɔne Korowii, hɛɛ hɛɡre o sie.

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 97:3

Nii tɔ o sie dɛɛ lawɛ, dɛɛ fuh o dɔma baa baro cheme.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.