Yela 18:4 - mzwDBL

⁴ Seo vɔɡ mɛ bil, asɛ nehɛma aa kpeɡa lɔ dɛɛ kpɔ n nɛ.

Yela 18:4 Referans Kwoze

Yela 116:3

Seo vɔɡ mɛ bil, lalbɔɔ weweele bɔle n nɛ n liire chɔɡ, ɔmee su n bwa.

2 Kɔrent 1:9

Ya te fe jemɔ kɛŋɔ yaa sewɔɔ, kɛ ya ta sewɛ. Korowiirii ɛa ɡɛ ásɛ ya bɛ ya ɡbaɡba bokpeɡa ta dɛɛ hwɛɡɛ, ásɛ dɛ kpɔ hwɛɡa do on waa dɛ ir nɛra seo ta la nɛ.

Matiu 26:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra fi dɛ banɛ la bini bɛl la denɔ ba. Dɛ nɛnlaa tenten Sɔfonomonome ne bela nomonome aa tom ba kpoŋe keri ne ɡule ja Judas nɛɛ ba ba.

Yela 124:4

A fe ɛɛ doo kɛŋɔ nee aa sua ba bɔle ya nɛɛ ken, dɛ́ fee kpɔ yaa kaa.

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.