Biblia Todo Logo
Bib sou entènèt

- Piblisite -




Yela 17:1 - mzwDBL

1 N Naa Korowii, no nɛn n wa aa toɡra nɔ wesoŋa, no n wii maa dɛ wi nɔ. Ken deŋne dɛ́ no n wesoŋa, nyosone laa mɛɛ teŋe.

Gade chapit la Kopi




Yela 17:1
31 Referans Kwoze  

Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.


N Naa Korowii, no n wii, no n wesoŋa!


Anomanta, yabala, dɛ ya liire aa yaa bolchɔɡe pa te naa, amɔ ya dɔ bambile dɛ che Korowii sie, yaa wola ɔmɛ.


‘Nɛra nɔ te, nyoa ɡbo nee baa duu mɛ, kɛ ba tea bini te ta toe.


He bɛne banɔ la baa dɛ yerɛ bwa, nɛra baa dɛ yerɛ kasinteŋ ne la.


Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.


N do lɔŋɔ yerɛ Korowii, n soŋo ŋɔ ó na n sum.


N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.


N Naa Korowii, no n wesoŋa dɛ́ chaŋ mɛ, n ɛ nyaa dɛ ɛ nɛŋɡwɛɡre.


Kasinteŋ, Korowii no n wesoŋa, o no n wii maa wia noo la.


N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.


Korowii bɔ mɛ kem ɡɛ n wa aa toɡra, o swee andɛɛɡa tɛ mɛ, dɛkalkɛ wechɔɡa bɛlbwa toole n nɛ.


Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.


Mɛɛ cheɡ deŋnee dɛɛ no wesoŋa baa dɛ ba a ne Dea nɔ bini,


No n wii maa wia dɛɛ noe nɔ dɛ́ cha mɛ, henee n kooro ne Korowii maa dɛ tomɛ, henee mɛɛ soŋe.


Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”


Baa dena no n waa ba no n be, nɛŋhɔɔhra pwɛr ba te dɛ baa ɡuŋi n sie.


Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.


Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”


O jemɔ kɛ wechɔɡe bɛlbwa toole n nɛ, n laa n te kpɔ wechɔɡa ta.


N ta naɡrenyin we-ɛɛla ane bɛlbwa ɛɛ, n Korowii soŋa ta ɡe n kpɔ duure tɛo.


N Naa Korowii, henee dɛɛ cha mɛ, henee dɛɛ tɛ mɛ bokpeɡa.


Hɛɛ berɔ lɛɛ mɛ le n dɔma baa wara, laa maa kaa yoo ba ta, dɛ́ ba n ne sɔnɔnɔɔ ken.


N lɔ bojaŋ harɛ jaɡa, dɛ di suna wi dɛɛ noe! Laɡ mɛ kaa bela maa ka dɔ n nyu,


N Naa Korowii, swee ya kooro waa dɛ tɔ yaa ɡbemɡbe andɛɛɡa, kooro haa leo cheɡ tɛ he te la.


N Naa Korowii, no n wesoŋa, no n suna wii, dɛ́ cha mɛ.


N dɛ na wahala kohona, a ɡelɔ a ka tama n sewɛ.


Dɛ waa puu mɛ naa, bɛ sie laa kpɔ n nɛ. Cheɡ deŋne no n be, dɛ́ chaŋ mɛ warane.


N Naa Korowii, no n wesoŋa, che toɡra haa toɡra ta, dɛ́ na n sum. Chaŋ mɛ he kasinteŋ haa dɔa la ne.


Swiv nou:

Piblisite


Piblisite