Yela 16:10 - mzwDBL

¹⁰ tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Yela 16:10 Referans Kwoze

Yela 49:15

Kɛ Korowii ɛɛ lɛɛ mɛɛ, wɛɛ lɛɛ mɛɛ le kpeɡri seo aa dɔa la nyoa.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 20:13

Nɛra baa ka mpo ta la leɔ, asɛ nɛra baa sewɛ seo bwa soo siwi la ɡe le, asɛ Korowii che ɡɛ ba fa aa ɛa ta, dɛ bol ba waa dɛ pa bole.

Amanesoma Luk Aa Chwera Tɔn 16:23

asɛ o ka jo Bɔnsam nii ta. Dɛ o dɛ na nii taeh. On ŋɔa o nyiŋi, dɛ na Abraham bojaŋ le, asɛ Lasorɔs so o be.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Aesaya 14:9

Lala kpɔ ba te ba sie beɡre baa kpa Babelɔn kooro bala. A ɡelɔ nɛra ba fa aa dɛ di kpeɡri harɛ nɔ ta dɛ sewɛ la ir dɛɛ jaamo. Nomonome ba fa aa dɛ di kpeɡri harɛre ta ir ba kookane ta dɛɛ kpao.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

1 Kɔrent 15:42

Gɛɛ nɛra seo ta ira ɛɛ ba doe. Bwadabii yaa dɔa nɔ, dɛ ya baa serewe aa, o bwa ɛɛ chɔɡoo, kɛ bwadabii yaa dɔ dɛ ir seo ta la, o te aa chɔɡ bwa.

Nɛra Kura 6:6

O bɛ nɛn waa sewa jwɛɛh la saŋ waa kpɔ o te tɛ mɛ la bwa.

Lewi Dea Tena 19:28

He bɛ lala waa koh, dɛ́ mɔne he bwara kɛɛ dɛ́ do he bwadabii ɡwine. Men Korowiirii bola.

Amanesoma Luk Aa Chwera Tɔn 4:34

“Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

Emɔs 9:2

Hale ba kwi bɔɔ ka le lalabwɛɛ kwaraa naa, mɛɛ ta nɔnee laɡ ba. Ba teehnɔ ir kaa nyundua ɡe kwaraa naa, mɛɛ le ba ne belaa ba harɛ.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Aesaya 5:14

Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Sɛɡla 27:20

Gɛ nɛwɛnyini pɛla kwa aa wola tonɛ bwa la, ɡɛɛ lalabwɛɛ ɡe aa wola su bwa.

Sɛɡla 15:11

Korowii dɛ na lalbɔɔ ne lalabwɛɛ waa bwa, a ta do kɛŋɔ nɛwɛnyini bambile bini.

Yela 139:8

N la nyundua aa, he lɔ bela, n kaa chɔ lalabwɛɛ kwaraa naa, he lɔ bela.

Yela 9:17

Seo chɔ le dɛɛ kpa nyubinikpeɡ tena, banee harɛre nɛra baa vɛh hen Korowii toma la.

Job Tɔn 11:8

Korowii wejema la ɡwaa nyundua ne harɛ jaŋne. A bini luŋri ɡwaa lalabwɛ. Hɛɛ won jemɛ ɡɛ naa?