Yela 15:3 - mzwDBL

³ nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Yela 15:3 Referans Kwoze

Tɔn Pɔɔl Aa Chwerɛ Rom Tena 13:10

Nɛn haa dɛ nyinu la, haa on wechɔɡaa ɛ bwa. Naate waa dɛ nyin o dɔŋ la, dɛ o dɛ teŋɛ Korowii Mmara la bwa ta.

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.

Tɔn Pɔɔl Aa Chwerɛ Rom Tena 1:30

Baa dɔŋa wedɛɛɡa bol, ba hah Korowii, ba siwi aa nɛn tɔɡɛ, ba jenu, ba mbarafo. Saŋ bɛlbwaa baa nyin ŋwɛnɛfala dɛ́ ɛ wechɔɡa. Ba siwi aa ba mɛɛnanar ne ba nyare su.

Aesaya 56:2

Naate waa dɛ ɛ waa nɔ dɛ lawa kpoŋe kɛrɛdɛ, dɛɛ di Ona Tɔpere waa wola on chɔɡ, dɛ lawɛ o te waa wola wechɔɡa ɛ la, o na som.”

Sɛɡla 25:3

Gɛ haa wola won jemɛ nyundua jaŋne, ne harɛ bini luŋri la, ɡɛɛ haa wola won jemɛ kooro liire.

Sɛɡla 22:10

Doŋi bammuɡli nɛn le he jwɛh, ásɛ wobobala ne naɡra ne chɛɡa bwa tonɛ.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Tɔn Pɔɔl Aa Chwerɛ Rom Tena 12:17

He bɛ wechɔɡa kpɔ dɛɛ bɔ wechɔɡa kem. Hɛ́ɛ ɛ waa aa wera nomɛlbwa be.

1 Samoɛl 24:11

N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.