Yela 146:8 - mzwDBL

⁸ dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Yela 146:8 Referans Kwoze

Yela 11:7

Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.

Yela 145:14

He lawɛ nɛra baa chola dɛɛ ir, dɛɛ cha banɔ la wenaale aa lɔ ba nɛ.

Matiu 9:30

Asɛ ba bwa berɛ dɛɛ na. Anee Yeesu kah ba sibeɡra ne ŋɔ, “He bɛ waa nɔ taa baɡle nomɛlbwa.”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Aesaya 35:5

O balaa, nyoŋa sie ɛɛ piluu bá na bɔr, ásɛ amumure ɡe no wa.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Yela 147:6

O dɛ cha nɛŋɡwɛɡra, kɛ nɛnchɔɡa te, o dɛ lɔ ba harɛ.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

Aesaya 42:18

Korowii ŋɔ, “Hé nɛra haa taŋ deŋna, hé no! Nyoŋa ɡe, hé nyiŋi dɛ́ na!