Yela 146:4 - mzwDBL

⁴ Ba sewɔ aa, ba dɛ huɡ ba. Le awola tɔpere la, ba liire ne vɔrɔwa baa vɔrɔwa bwa dɛ ba a jaɡa.

Yela 146:4 Referans Kwoze

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Job Tɔn 17:11

N soɡa bini tɔpera tonɔ, n waa maa maɡla bil ɡe chɔɡ, n hwɛɡa ɡe tonɛ.

Job Tɔn 14:21

O bibaala dɔ jirima kwaraa naa waa jemɛ, ba di sihiih ɡe aa, waa no.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Yela 90:3

He won ɡela ya sewɛ, dɛ́ berɛ kaa teera haa kpɔa ma yaa la ta.

Job Tɔn 17:1

Job berɔ ŋɔ Korowii be ŋɔ, “Maa won hwee kɛrɛdɛ kpa, n seo tɔpere telo tonɛ, lalbɔɔ ɡbosoo kaa dɛ chɔ kpaa mɛ.

Job Tɔn 14:10

Kɛ dɛ nɛn te sewaa, dɛ a tonɔ, o sewaa, dɛ lee o dɔɔ jaɔ?

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Wejereme 9:6

Ba dɔŋa nyina ne dɔŋa haeh, dɛ ba meera waa bwa nyoɡrɔ, baa komɛlbwaa dɔ le wobɛlbwa aa lɔ harɛ nɔ ta kpa.