Yela 143:10 - mzwDBL

¹⁰ Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

Yela 143:10 Referans Kwoze

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Yela 23:3

O dɛ tɛ mɛ bokpeɡfala, dɛ tɔ n sie dɛɛ baɡ mɛ ŋwɛnɛdɛɛɡa, o sɔnjen la wa.

Yela 119:12

N Naa Korowii, n dɛ kpɛɛre, baɡ mɛ he Mmarare la.

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

2 Timoti 1:7

dɛkalkɛ Korowii Doma waa kpɔa tɛ yaa la ta ɡelɛ ya ɛ ɔmeera. O ɡelɔ ya dɔ kpeɡri, dɛ dɔ dɔŋa nyina, dɛ won ya te lawa.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Yela 140:6

N ŋɔ n Naa Korowii be ŋɔ, “Henee Korowii maa dɛ tomɛ.” No n wii dɛ́ cha mɛ!

Yela 31:14

Kɛ n Naa Korowii, henee mɛɛ yarada, henee Korowii maa dɛ tomɛ.

Tɔn Pɔɔl Aa Chwerɛ Rom Tena 8:26

Gɛ ya hwɛɡa yaa dɔa la aa lawɛ yaa ya wahala bwa bini la, ɡɛɛ Korowii Domadɛɛɡe ɡee cha yaa, dɛkalkɛŋɔ ya yarada aa kanɛ. Yaa jemɛ ɡɛ aa chɛ kɛ yaa soŋe Korowii kwara. Korowii Domadɛɛɡe soŋɔ dɛɛ tɛ yaa sum ne, nɛn aa wola won baɡle kwara.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Yela 119:35

Chaɡ mɛ he waa ŋwɛnɛre mɛɛ kpɔ a ta, dɛkalkɛ a taa mɛɛ dɔ silɛɛ.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Aesaya 63:14

Gɛ ba yon teɡɛ nae kaa deŋɡarere dor harɛ waa chɔa kaa ta a yon ka onɛ la, ɡɛɛ Korowii tɛ o nɛra ona. O tɔ o nɛra sie o sɔn dɔ jirima.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Yela 139:24

Nyiŋi dɛ na kɛ wechɔɡa ane lɔ n bini, dɛɛ tɔ n sie ŋwɛnɛdɛɛɡe ta, saŋ bɛlbwa.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Tɔn Pɔɔl Aa Chwerɛ Rom Tena 15:30

Yabala, n kpɔ ya Dɔɔ Yeesu Kristo ne nyina Korowii Domadɛɛɡe la aa ɡela yaa nyin dɔŋa la, dɛɛ soŋe heyaa kɛŋɔ he cha mɛ dɛ́ swɛɛ siwi soŋe Korowii tɛ mɛ.

Yela 118:28

Henee Korowii maa dɛ tomɛ, n kpɔ jam dɛɛ tɛɛ, mɛɛ bol he kan haa doa waa.

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Nɛra Kura 9:22

Tɔpera anɛ kɛɛ korobie kɛɛ benanyoaa bam la ɛɛ ba Korowii Tɛnte Dea la nyundua tɔe ka tel aa, ba dɛ so bela. Kɛ awola waa den le o ta la, dɛ ba iro teŋɛ.

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.