6 Gɛ haa jemɛ n waa la kpo n nyoa kohona, maa wone dɛɛ no a mun.
Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?
He bɔɔ mɛ ŋɔ, ‘Umee hen hɛɛ tɔŋle n waa wobol aa wola mun dɔe ne nɔɔ?’ Kasinteŋ, n bol waa maa wola a mun no, waa aa ɛ nyokpoa kohona, maa wola a mun jemɛ.
N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.
Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”
N Naa Korowii, saŋ besoo hɛɛ ba n waa soeh ka tel ɔ? Hɛɛ soh n waa kwaraa kɛɛ? Hɛɛ laa sie kpɔ n nɛɛ biɡri kɛɛ?
Kombele atoro ane waa dɔ nyokpoa kɛrɛdɛ n be, naarɛte ɡe maa o mun no.
