Yela 139:23 - mzwDBL

²³ N Naa Korowii, pese mɛ kɛrɛdɛ, dɛ́ jemɛ n liire, daah mɛ na, dɛ́ jemɛ n nyu bini.

Yela 139:23 Referans Kwoze

Yela 26:2

N Naa Korowii, nyiŋi n bini, dɛ́ daah mɛ na dɛ́ pese n we-ɛɛla ne n liire.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Job Tɔn 31:6

amɔ Korowii nyiŋi n waa bini, wɛɛ nao kɛŋɔ wechɔɡa bɛlbwa toole n nɛ,

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Yela 139:1

N Naa Korowii, he pese mɛ kɛrɛdɛ, dɛ jemɛ n wobɛlbwa.

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 11:5

O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.